Av Arild Finne Nybø, dagleg leiar i Mediebruket
Hornelen Panorama er eit familieeigd reiselivstilbod på Lofnes i Bremanger, tett på Hornelen – Europas høgaste sjøklippe. Her møter gjestene vill vestlandsnatur, fjord, fjell, ro og eksklusive overnattingsopplevingar med høg komfort og sterk lokal forankring.
Bak Hornelen Panorama står Gunnhild og Steffen Lofnes, som ønskjer å ta imot gjester frå heile verda til eit særprega reisemål på kysten av Nordfjord. Tilbodet er retta mot gjester som søker noko meir enn vanleg overnatting: privatliv, natur, arkitektur, utsikt, badstove, fjordopplevingar og tilgang til spektakulære turmål som Hornelen, Vingen helleristningsfelt og Vetvika.
Elddåpen fekk nettstaden sommarsesongen 2026. I følgje Steffen Lones har dei hatt ein veldig bra sesong. Bookingane på nettsida tek seg opp, og har også fanga interessa til ulike profesjonelle reiselivsaktørar:
— For oss var det viktig at leverandøren av heimesida vår kjende oss på ein slik måte at produktet blei både genuint og presist. Den gode dialogen og dei tydelege anbefalinga vi fekk undervegs i prosessen bidrog til akkurat dette. Heimesida og bookingløysingane hjelper oss no godt med å utvikle verksemda vår vidare, seier Steffen.
— At heimesida også haustar mange lovord og skaper merksemd frå både gjester, reiselivsaktørar og digitale skaparar tyder på at vi har fått akkurat det vi håpte på, og kanskje litt til.
Eit digitalt utstillingsvindauge for ei eksklusiv naturoppleving
Mediebruket fekk i oppdrag å utvikle ein ny nettstad for Hornelen Panorama, med mål om å gjere tilbodet synleg, attraktivt og lett å bestille. Vi la vekt på at nettstaden skulle spegle det som gjer Hornelen Panorama spesielt: den dramatiske naturen, nærleiken til Hornelen, det eksklusive preget og vertskapet si personlege historie. Designet skulle kjennast gjennomført og eksklusivt, men samtidig varmt, truverdig og tilgjengeleg.
Nettstaden vart bygd for å støtte dei viktigaste oppgåvene til brukarane:
- sjå bilete og få ei kjensle av opplevinga
- forstå skilnaden på dei ulike overnattingstilboda
- finne prisar, praktisk informasjon og svar på vanlege spørsmål
- booke opphald
- bli trygg på kven som står bak tilbodet
Denne oppgåveorienterte tilnærminga styrte både informasjonsarkitektur, design og teknisk oppsett.
Design for ein internasjonal reiselivsmarknad
Hornelen Panorama hadde ikkje ein full designmanual frå før. Som del av prosjektet utvikla Mediebruket difor forslag til fargar, skrifttypar og visuelt uttrykk som kunne brukast på nettstaden. Målet var å skape ein stil som løfta fram både naturen, arkitekturen og kjensla av eit eksklusivt, men jordnært vestlandsopphald.
Digitaldesignar Inger Johanne Kaardal i Mediebruket har vore ansvarleg for det visuelle uttrykket på nettstaden. Ho har arbeidd med å gi Hornelen Panorama eit design som speglar både eksklusivitet, natur, ro og den personlege historia bak staden. Designet skulle også fungere godt i sosiale medium. For eit reiselivskonsept som dette er delingsverdien viktig: Sterke bilete, tydelege bodskap og ei visuell oppleving som gjer at folk får lyst til å vise nettstaden vidare.
Digitaldesignaren utvikla framlegg til fargepalett for Hornelen Panorama.
Foto som formidlar staden
Eit viktig element i uttrykket er dei sterke bileta på nettstaden. Desse er for det meste tekne av fotograf Jostein Vedvik, som har fanga både landskapet, detaljane og stemninga i opplevinga Hornelen Panorama tilbyr.
Fotoa er med på å gjere nettstaden til meir enn ein informasjonskanal. Dei gir besøkande eit første møte med kjensla av å vere der: naturen, utsikta, lyset, materiala, roen og det særprega ved overnattingstilbodet.
For eit reisemål som Hornelen Panorama er bileta ein heilt sentral del av historia. Dei skal ikkje berre dokumentere staden, men skape forventning, tillit og reiselyst.
WordPress-løysing med rom for vekst
Nettstaden er utvikla i WordPress, slik at Hornelen Panorama sjølve kan oppdatere innhald, leggje til nye sider og vidareutvikle nettstaden etter kvart som konseptet veks.
WordPress vart valt fordi systemet er fleksibelt, brukarvenleg og godt eigna for søkemotoroptimalisering. For ein kunde i etableringsfasen var det viktig å få ei løysing som både ser profesjonell ut ved lansering, og som kan vekse vidare utan at alt må byggjast på nytt.
Booking og praktiske funksjonar
For Hornelen Panorama var booking ein viktig del av brukaropplevinga. I staden for å byggje ei eiga kalenderløysing frå botnen av, la vi opp til integrasjon med Smoobu, slik at nettstaden kan vise bookingkalender og tilgjengelegheit gjennom eit system kunden allereie brukar.
Nettstaden vart også lagt til rette for avanserte skjema. Dette gjer det mogleg å samle inn førespurnader, bestillingar og andre opplysningar på ein strukturert måte. Skjemaløysinga kan også vidareutviklast med betalingsløysingar som Stripe, kupongar, spørjeundersøkingar, CRM eller integrasjonar mot andre tenester dersom behovet kjem seinare.
Slik fekk Hornelen Panorama ein nettstad som ikkje berre presenterer tilbodet, men som også kan bli eit praktisk verktøy i den daglege drifta.
Synlegheit, SEO og innhald
Hornelen Panorama rettar seg mot både norske og internasjonale gjester. Då er det avgjerande at nettstaden er teknisk tilrettelagd for søkemotorar, og at innhaldet er strukturert slik at både brukarar og søkemotorar forstår kva som blir tilbode. Mediebruket la difor vekt på teknisk søkemotoroptimalisering frå starten av. Sidene er bygde slik at søkemotorar kan lese og indeksere innhaldet, med god struktur, logisk oppbygging og tekniske løysingar som støttar synlegheit.
I tillegg gav vi råd om korleis tekstane kunne utformast for å gjere nettstaden meir relevant i søk. For eit reiselivsprosjekt som dette handlar SEO ikkje berre om å bli funnen på namn, men også om å vere synleg for folk som leitar etter unike opplevingar, fjordovernatting, eksklusive hytter, Hornelen, Bremanger og reisemål på Vestlandet.
Universell utforming og brukarvenlegheit
Ein moderne nettstad skal vere enkel å bruke for alle. Difor la vi vekt på universell utforming som ein naturleg del av design- og utviklingsarbeidet. Dette omfattar mellom anna lesbar tekst, gode kontrastar, tilstrekkeleg skriftstorleik, alternativ tekst på bilete, tastaturnavigasjon og generell tilgjengelegheit. Universell utforming er viktig for brukarar med nedsett funksjonsevne, men det gir også betre brukaroppleving for alle – og styrkjer kvaliteten på nettstaden i søkemotorar.
Rask nettstad for gjester frå heile verda
Hornelen Panorama vender seg mot ein internasjonal marknad. Då er fart og stabilitet viktig. Brukarar som kjem frå mobil, reiser ute i verda eller sit på svakare nett, må raskt få tilgang til innhaldet. Mediebruket optimaliserte difor nettstaden for rask nedlasting. Vi la vekt på effektiv kode, fornuftig handtering av bilete og teknisk oppsett som gir god yting.
Personvernvenleg besøksstatistikk
For å gi Hornelen Panorama innsikt i trafikken på nettstaden, la vi til rette for besøksstatistikk gjennom Matomo som eit personvernvenleg alternativ. Matomo kan brukast utan informasjonskapslar og utan at brukarane blir spora på tvers av nettstader. Løysinga blir drifta på serverar hos Mediebruket og gir kunden nyttig statistikk utan unødvendig innsamling av persondata.
Trygg drift og teknisk oppfølging
Nettstaden blir drifta på Mediebruket si administrerte hostingløysing. Det gir Hornelen Panorama ei trygg og stabil teknisk plattform, med WordPress, SSL-sertifikat, dagleg backup, automatiske oppdateringar, høve til tofaktorautentisering, ekstra bildeoptimalisering, støtte for fleire språk og tilgang til support.
Driftsløysinga omfattar også overvaking. Framsida blir sjekka automatisk kvart femte minutt, og Mediebruket blir varsla dersom det oppstår feil.
Miljø og ansvarleg drift
Mediebruket nyttar serverar i EU, drifta på fornybar energi, mellom anna vasskraft i Tyskland og vatn- og vindkraft i Finland. For Mediebruket er berekraftig webdrift ein del av det tekniske ansvaret. Det handlar både om kvar nettstaden blir drifta, korleis infrastrukturen er sett opp, og kor effektiv sjølve nettstaden er. Ein rask og godt optimalisert nettstad brukar mindre ressursar, gir betre brukaroppleving og er betre rusta for trafikk frå ulike delar av verda.
Rådgjeving og langsiktig samarbeid
Hornelen Panorama er eit prosjekt med stort potensial, og nettstaden er berre starten på den digitale synlegheita. I tilbodet la Mediebruket vekt på at arbeidet med marknadsføring, innhald, søk og synlegheit må utviklast over tid. Vi ønskte å vere meir enn ein leverandør som byggjer ei nettside og forsvinn. Målet var å vere ein langsiktig samarbeidspartnar som kan gi råd, utfordre val, foreslå betre løysingar og hjelpe kunden vidare etter lansering.
Etter kvart som Hornelen Panorama veks, kan Mediebruket også bidra med meir avanserte tiltak innan søkemotoroptimalisering, innhaldsarbeid, kampanjar, annonsering, nettbutikkfunksjonar og digital marknadsføring – både gjennom eigne ressursar og gjennom samarbeidet med hovudeigaren vår, Maksimer.
Opplæring og support
Som del av prosjektet fekk Hornelen Panorama opplæring i korleis dei sjølve kan redigere og publisere innhald på nettstaden. Løysinga er laga for at kunden skal kunne gjere vanlege oppdateringar sjølv, utan å vere avhengig av utviklarhjelp for kvar endring.
Samtidig har dei tilgang til support frå Mediebruket dersom dei står fast eller treng hjelp. Vi tilbyr support via e-post og supportportal, med rettleiingar og hjelp til praktisk bruk av nettstaden.
Resultatet
Resultatet er ein moderne, responsiv og visuelt sterk nettstad som gir Hornelen Panorama eit profesjonelt digitalt utgangspunkt i møte med den norske og internasjonale reiselivsmarknaden.
Nettstaden kombinerer store, stemningsskapande foto frå Jostein Vedvik, design frå Inger Johanne Kaardal i Mediebruket, brukarvenleg WordPress-teknologi, bookingtilrettelegging, teknisk SEO, personvernvenleg statistikk, trygg drift og rom for vidare vekst.
For Hornelen Panorama handlar nettstaden om meir enn å vere til stades på nett. Han skal inspirere, informere og senke terskelen for booking – og samtidig formidle kjensla av eit unikt opphald ved fjord, fjell og Europas høgaste sjøklippe.